Fabienne & Martin

kaum zu hause, schon wieder neues geplant...

2010-08-03T21:40:00.002+02:00

wie so für uns üblich haben wir bereits einen tag, nachdem wir aus den ferien nach hause gekommen sind, bereits unsere nächsten ferien gebucht: 2 wochen nach argelès sur mer, im wunderschönen süden frankreichs. ach, ich freue mich jetzt schon RIIIIIEEEEESIG!!! und träume schon mal bisschen vom meer...

http://de.argeles-sur-mer.com/tourisme-sommaire.php

ich wird berüehmt :))

2010-06-23T18:54:00.002+02:00

*lach*...gestern sind eine freundin und ich nichtsahnend im "city beach" in der sonne gesessen, plötzlich kommen zwei typen auf uns zu. sie gaben sich als presseleute vom "baslerstab" zu erkennen und fragten nach, ob sie uns fotografieren dürften. anscheinend berichten sie über den "city beach"... und so warten wir gespannt auf die morgige ausgabe der zeitung und hoffen, dass die fotos nicht allzu mies sind... :)

serie zu ende

2010-06-16T21:42:00.002+02:00

Es ist Mittwoch-Abend und wir sitzen um 21.15h gespannt und voller Vorfreude vor dem Fernseher. Hmmm...irgendwas stimmt nicht...wo bleibt denn Lightman???
Wir sind bekennende Fans der Serie "Lie to me", und nun ist die erste Staffel schon vorbei. Und wie es im deutschsprachigen Fernsehen so üblich ist, wird die zweite Staffel wohl erst im nächsten Jahrhundert ausgestrahlt...*seufz*... :)))

aimée ist eingezogen

2010-05-04T21:21:00.003+02:00

wir vermissen chérie zwar noch sehr, doch ein wellensittich ist ein sehr geselliges tier. diesen länger ganz alleine zu lassen ist alles andere als artgerecht. daher haben wir hamlet heute eine neue partnerin geschenkt: sie heisst aimée und ist wunderschön! (fotos folgen...) nun beschnuppern sie sich und werden hoffentlich bald feststellen, dass sie ein tolles neues paar abgeben! aimée erkundet gerade ihre neue heimat und es scheint, dass sie sich bereits ziemlich wohl fühlt. wünschen wir dem neuen traumpaar das beste!

traurig

2010-05-01T15:19:00.002+02:00

das heutige erwachen war nicht schön. wir wurden von hamlet, unserem sittich, mit seltsamen rufen geweckt: chérie, seine partnerin, lag tot am boden. wir sind total traurig, da uns unsere zwei lieblinge so ans herz gewachsen sind. nun werden wir uns nach einer gewissen "trauerzeit" für hamlet eine neue partnerin suchen. er ist zur zeit total nervös und sucht seine freundin überall...armer schatz! wir hoffen, dass wir ihm bald einen tollen "ersatz" schenken können...

i love city-trips!

2010-04-13T19:26:00.002+02:00

hach, ich kah mi eigentlich voll und ganz oute: ich stand total uff city-trips (näbe andere ferie notürlig...*hehehe*)! kurz nach em trip in wien hämmer notürlig scho e wittere "ussflug" müesse buche: münche. die stadt sött jo au sehr schön sii...bi gspannt!!! s reisefieber isch ein für allemal ussbroche im hause péquignot-burri! c'est formidable! la vie est magnifique!!!!!!

Töffsaison ist eröffnet :))

2010-04-10T17:59:00.002+02:00

judihui, ändlig isch es wider sowitt: dr töff isch am letschte donnstig nach langer winterpause wider iigweiht worde, d töffsaison isch also offiziell eröffnet *megafreu*! mer sinn nach sissach gfahre, denn über wintersinge/buus wider zrugg uff rhyfälde. und es hett gfäggt, au wenn d strecki nit so lang gsi isch. schliesslig bruchts au biz zitt, damit sich s sitzläder wider bilde kah! als näggschts beabsichtige mer, moll mitem töff nach fribourg z fahre. das wird bizeli e längeri strecki :))und uffe glaubebärg gohts das johr hoffentlich au moll!

...*hach*...s läbe isch doch eifach geil!!!!

schöns weekend, euri fabienne

nid empfählenswärt

2010-03-02T20:46:00.002+01:00

es gitt jo viili film, wo nit unbedingt empfählenswärt sinn, aber mir hänn letschte samschtig eine gseh, wo wirgligg meh als sältsam gsi isch: "the lovely bones" vom peter jackson. ich ha dä welle luege, will (wie jo alli, wo mi guet kenne, wüsse) ich e fan vom peter bi..aber bevor är dä film dräiht hett, muess er äntwäder irgendwelchi droge gschluggt oder e massive zuggerschub gha ha...so öbbis komischs hani sitt em "dr. parnassus" nümmi gseh...

also wenn ihr nit nur uff abgspaceti film stöhnd, göhnd dä lieber nit go luege...

Fasnacht (und ihri tücke...)

2010-02-25T15:37:00.004+01:00

so, jetz sinn die drei scheenschte dääg au scho wider umme. für mi sinns leider numme 2 dääg gsi. vor lutter trubel und trompete spiile isch mini verkältig nämmlig wider schlimmer worde, und geschter isch nütt meh gange. kei stimm, kopf zum zerplatze und e hals wie füür. jänu, es sinn trotz allem sehr schöni 2 dääg gsi, mi fasnachts-härz hett kräftig gschlage :))

jetz gohts mer zum guete glück wider biz besser, und ich schon mi ganz fescht, damit ich denn ab morn wider uffem damm bi. es kunnt guet :)

noch-fasnächtlichi grüess
fabienne

sardinie, mir kömme!!!

2010-02-14T13:10:00.002+01:00

jupidupiduuu! geschter hämmers doch tatsächlich gschafft, unseri summerferie zbueche! *superhappybin* es goht, wie scho plant, nach sardinie, und zwar nach "costa rei", das liggt im südoschte. in eme hotel diräkt am meer! wow! bi jo scho extrem gspannt...und tröim scho moll biz drvo....

summerferie

2010-02-02T20:08:00.002+01:00

*seufz*...ich ha also wirgligg d nase voll vom winter. bi no nie e schnee-fan gsi, und jetz länggts mer also wirgligg! finds ächt nümm witzig!
drum beschäftige ich mi momentan grad stark mit dr froog, wo mer in de summerferie aanegöhn...*scwelg*...! also s ziel stoht scho fescht: sardinie sölls sii. aber do stellt sich denn e anderi wichtigi froog: nord- oder südsardinie? hmm...schiins landschaftlich rächt unterschiidlich. *grübel*...well dr martin und ich letscht johr scho so traumferie uff naxos gha hänn, isch no schwer, das z toppe! vor allem hämmer halt rächti aasprüch: jo nit zue touristisch. aber au nit grad tote hose. und mer hänn au kei bock, e riesigs vermöge für die wuche usszgseh...

und so sueche und sueche und sueche mer...:)

ode an die schuhe

2010-01-24T22:04:00.002+01:00

also es stimmt wirgligg, ich kahs bezüüge: schueh mache fraue glücklich! me isch gmüetlig am lädele, dänggt an nütt schlimms, und *PENG*: do stöhn si! me wird in ihre bann zooge, isch plötzlig mit däm virus infiziert!! absolut machtlos drgege...und wie isch denn s motto drbii: "eine (bzw. in däm fall zwei, well uff eim schueh kah me nit stoh..) hämmer immer no gnoh" :)

bin ich froh, hänn mir e grossi wohnig mit viiiiel platz *zwinker*

spaziere im schnee

2010-01-11T20:06:00.003+01:00

halli, hallo! ich mäld mi uss mim e bizeli zue kalte zimmer...eigentlich hani jo nie so kalt in unsrer wohnig. aber nachdäm ich die "hot stones" ussprobiert ha, wo dr martin und ich uffd wiehnacht bekoh hänn, kunnts mer überall kalt vor...

naja, eigentlich nit so wichtig.

geschter simmer eigentlich nit sehr tatedrängig (vermuetlich neu kreierts adjektiv...) gsi, doch irgendwie kah me jo nit dr ganz daag numme däheim ummehogge. also hämmer die dicke winterschueh gsattled und sinn biz in wald go spaziere. ich has also nit bereut, im schnee zlaufe isch jo ächt wunderschön! und wells im wald nit sehr viel spaziergänger hett, isch dr schnee au no früsch und wiss, und nit scho zu brunem matsch mutiert...

nachahmung wird wärmstens empfohlen :)

schöne oobe!

überraschigsparty

2010-01-05T19:23:00.003+01:00

wow, am 30.12. bini ächt meh als überwältigt gsi: dr martin, mi schwöschter und ihre fründ hänn für mi e geburtsdaags-überraschigsparty organisiert. es isch ächt sensationell gsi, vor allem, welli nie drmit grächnet hätt! dass sich so viel lütt extra zitt für mi gnoh hänn...und erscht no dä uffwand zum das organisiere...! es hett mi unändlich glücklich gmacht! Nomoll vo ganzem härze allne, wo mitgwirkt hänn: DANKE, DANKE, DANKE! es wird e unvergässliche oobe bliibe....

E besennlechi Zit

2009-12-22T21:50:00.005+01:00

Au dies Johr froie mer ois weder riesig of Wiehnachte. Päckli send scho alli ipackt ond warte druf, de Beschänkte e Froid z'mache ;-)

Mer wönsche allne wonderschöni Wiehnacht, e besennlechi Zit ond denn schomol e guete Rotsch es Johr 2010!! Ned vergässe: Am 31.12. fiiret d'Fabienne Geburi...

s wuchenänd und sini tücke

2009-10-25T20:13:00.002+01:00

es isch eifach fies: do krampfsch die ganzi wuche und freusch di scho ab em mittwuch oobe wiene wahnsinnigi uffs weekend....denn stohts am frittig oobe ändlich vor dr türe...und was passiert??? *zack* und scho ischs wieder umme. und voller hoffnig schmeissisch di wider in die näggschti aarbetswuche, am mittwuch fohts wider langsam aafoh kribbele...d vorfreud isch do...und *zack*! scho wider s gliiche...! e ewige kreislauf, wuche für wuche...und doch möchte mers nit anders ha. will wie bitte sött me sich könne uffs wuchenänd freue, wenn me nit würd schaffe? *zwinker*

e noiii frisur

2009-10-11T19:20:00.002+02:00

set genau geschter esches sowit: d'fabienne het e noii frisur! Ond si esch - wow! Doch lueged sälber:

unmöglichi zitte

2009-09-19T18:06:00.004+02:00

währenddäm dr martin sich mit unserem kaputte badzimmerfänschter beschäftigt gang ich dr froog noche, wieso eigentlich kinovorstellige in dr schwiz am wuchenänd scho um die 8i aaföhn?! das isch doch irgendwie behämmert...! damit de rächtzittig im kino bisch, müesstisch irgendwie um die 6i scho ässe...und oft bini zu dere zitt jo no in dr stadt. oder aber, me goht diräkt nachem iikaufe am samschtig-nommidaag nöime unterwäggs go znachtässe und denn grad diräkt ins kino...hmmm...belade mit 100 täsche und immer no im gliiche outfit, wo me scho am nommidaag aagha hett??? NEI!!!

me könnt jo sage, es gitt immer no nocturne-vorstellige...aber die gitts ebbe immer weniger! numme no 1,2 film...und do meischtens nur so müehsami horror-streife wo sich numme halbstarki iineziehn.

es gitt notürlich die, wos ganz znachtässe ins kino iineschmuggle und denn mit däm gstangg (kebap und co) ihri sitznoochbere vergraule. au kei lösig!

na...währenddäm ich no an dere unglöste froog ummestudier, reserviert mi schatz scho moll unseri kinotickets für hütt zoobe...zun ere humane zitt vo halbi 11i...wo denn au? bi unsere liebe dütsche noochbere *schmunzel*...

massagekurs

2009-09-15T19:55:00.003+02:00

also zerscht hetts jo (ämmel für mi) scho biz überwindig brucht. aber sone massagekurs, wo mer sitt kurzem bsueche, bringts total! bi wirgligg absolut begeischtered. s hett also nütt schlüüferigs an sich...es isch kei tantra oder ähnlich, neinei...ganz e seriösi sach: nacke- und ruckemassage. in absolut toller und entspannter atmosphäre! sehr z empfähle, bsunders halt für pärli (usser es macht eim nütt uss, irgend e wildfremdi person z massiere...me kah sich au elleige aamälde!)

also, falls ihrs moll mache möchted aber euch doch nie rächt traut händ: gänd bscheid, ich schick euch dr link....

trike-ride

2009-08-27T21:38:00.007+02:00

am zischtig hämmer unserer liideschaft gfröhnt: mer hänn trikes gmieted und sinn zu säggst uff schaffhuuse gfahre. nur wär scho moll trike gfahre isch kah nochvollzieh, wie geil das isch! absolut s freiheitsgfühl. me fahrt durch dörfli und alli glotze sich d auge uss...hett ächt spass gmacht! und isch sicher nit s letschte moll gsi...

fötteli drzue:

naxos

2009-08-27T21:36:00.002+02:00

die ferie in naxos sinn soooooo sensationell toll gsi, dass ich gar nit erscht versuech, öbbis drüber zschriibe (...hmm...hani das nit scho gmacht???...)! fazit isch eifach schlicht: naxos, see you again!!!

Toute la musique, que j'aime...

2009-07-06T23:33:00.002+02:00

Wow! Wow! Wow! Die "Wow"- Lischte wär eigentlich viiiiel länger! Am Samschtig simmer an DÄM Konzärt gsi...alli, wo uns (vor allem mi) kenne, wüsse jo eh, an wellem: der Meister des Rock, der Gott der Bühne schlechthin...der Johnny Hallyday! Das Konzärt isch eifach meh als dr absoluti Oberhammer gsi! 3 Stunde puri Begeischterig und Exstase! Mi Härz schloht immer no feschter, wenni dra zruggdänk...

Nach ere lange Fahrt nach Gänf und sehr närvige Suechi vom (vo de Gänfer anschiinend guet versteckte und tarnte) Stade de Genève simmer ändlich uff unsere Plätz gsässe und hänn uffe lang ersehnte Rocker gwarted. D Sadionbelüüchtig isch ussgange und die ca. 40'000 Lütt im Stadion hänn numme no gschraue....an dr Decki vo ere gigantische Bühni isch e riesige Vogel gsi. D Auge sinn rot worde und im Schnabel vo däm Vogel isch dr Drummer gsässe. Mit de heftigschte Drumbeats isch dä Drummer langsam uffd Bühni abegfahre, begleited vo Liechteffekt und Füür. Überall Rauch...überall begeischtereti Fans...und der Rauch verschwindet...und ÄR isch do. Es isch DER Wahnsinn gsi, unbeschriiblich (au wennis jetz versuech z beschriibe...)!

Es absoluts Highlight in unserem Lääbe...und au wenns sini Abschiedlstournee isch hoffi doch, ass ich en irgendwenn wider uff ere Bühni kah bestuune...

Euri (vor Begeischterig no total dureknallti) Fabienne

piepmätz :)

2009-06-28T23:44:00.002+02:00

na, wie könnts au anders sii: mer hänn hütt notürlig wider moll e kleins spontan-ussflügli gmacht. nämmlig in vogelpark steinen. kenne mer jo eigentlich scho beidi, aber e ereneute bsuech hett nit gschadet :) waseliwas hett uns ächt am beschte gfalle? ganz klar: d freiflug-voliere mit de wällesittich...jöööööööööö!!!! die sinn so supersüess gsi, dass mer fascht nümm hänn welle goh...*g*! zum gölück hämmer jo zwei prachtsexempla däheime. die sinn bi unserer rückkehr grad verwöhnt worde, mit früsche äscht und freiflug...

Sunntig...

2009-06-21T19:38:00.002+02:00

Jede Sunntig sött eigentlich so aafoh: hütt hämmer unsere Guetschiin füre Sunntigsbrunch im Solebad Eden iiglöst. Ich sag nur: wow! Absolut empfählenswärt! S Restaurant isch sensationell schön (e Mix uss mediterranem und schlichtem klassischem Stil) und s Buffet wirgligg riichthaltig. Me kah vor, nach oder während em Brunche no go bade im Solebad, und vor allem kah me eins: schlemme, schlemme, schlemme...! Ab de 10i hetts e grosses Zmorgebuffet, ab de halb 12i au no Zmidaagbuffet und Dessert...total fein! E wunderschöni Möglichkeit, sich wider emoll so richtig verwöhne zloh. Also hopp, ab ins Solebad...viel Spass! :)

Glück ha und drzue stoh...

2009-06-16T15:30:00.003+02:00

Ich dängg, es isch an dr Zitt, sich emoll z oute: wenni so nochedängg kani doch sage, dass ich uff dr Sunnesitte vom Lääbe gebore bi! Es isch jo höggscht "unschwiizerisch", eifach z saage: ich bi e total glückliche Mensch...aber doo ich jo halbi Französin bi, dörf ich das doch mit vollem Stolz üssere *lach*!
Was will me denn meh im Lääbe???
Ich ha die töllschti Familie, wo me sich wünsche kah; ich bi in ere superschöne Beziehig mit mim Traummaa; ich ha sensationelli Fründe wo mir sehr viel bedütte; ich hane guete Job wo mer gfallt; mir gohts (ändlich) finanziell rächt guet (*puh* die "richtige" Patriote dräihe sich jo im Grab um...); ich ha - nit zum vergässe - e wunderschöni Wohnig...d Lischte isch sicher nit komplett, aber gnueg lang!
Ich find, me sött sich nit immer über das uffreege oder schimpfe, wo me NIT hett, sondern sich an däm erfreue, wo me HETT! Numme so findet me s WOHRE GLÜCK!!! Beniidet me immer alli Andere, lauft me Gfohr, schnuerstracks am eigene Glück verbii zlaufe! Lönd das nie zue...s Lääbe isch zkurz drfür...
Düend zrugglehne, in euch goh und frooged euch: gohts mer wirgligg sooo mies, wieni immer s Gfühl ha oder gsehn ich mi Glück eifach nit?
HALTED D AUGE OFFE und enjoy it!!! Viel Glück drbii ;)

Kurz-Trip

2009-06-01T16:59:00.002+02:00

Also irgendwie schriib ich jo numme öbbis iine, wenn mer grad wäg gsi sinn...hihi...irgendwie gsehts fascht uss, ass würde mer ständig in dr Wältgschicht ummetingele. Mache mer zur Zitt au, zum guete Glück! Mer sinn grad früsch ussem Schwarzwald zrugg, uss "Altglashütten" (zwüsche Titisee und Schluchsee), und mer hänns sehr guet gha! Am erschte Daag simmer biz an Titisee go flaniere, Glacé ässe und Pedalo fahre. Zoobe denn no nach Freiburg (wo, wieni bishär nie gwüsst ha, ganz e tolls Nachtlääbe hett). Am zweite Daag hämmer d Wanderschueh iipack und sinn go wandere. Aasträngend, aber wunderschön! Zoobe simmer denn no gemütlich am Titisee go öbbis trinke. Und hütt, am letschte Daag, simmer nach eme superfeine, riichhaltige Zmorge, in "Schwarzwaldpark". Naja, halted nit ganz, was er verspricht. Aber will mir jo positivi Mensche sinn, hämmer au das glatt gfunde :))
Und jetz lömmer unseri Kurz-Ferie bi eme Glas Sekt ussklinge...*PROSCHT*!

Wien, die Stadt meiner Träume...

2009-05-06T20:31:00.002+02:00

Dr Titel seit alles...es isch wunder-, wunderschön gsi! Am allerliebschte wäre mer gar nümm erscht zrugg koh! Wien isch eifach sensationell, unbeschriiblich grandios! Die viile schöne Baute (und drmit meini nit nur die alte Gebäude), die hunderte tolle Käffeli (inkl. dr megafeini Kaffi...*mjamm*), die schöne Parks, die charmante Lütt, dä lessigi Dialäkt...*schwärm*! Me muess eifach dert gsi sii, ums zverstoh! Numme ei Nochteil hetts: würd ich länger dört sii, würdi glaub zur Kuugele wärde...s Ässe isch eifach "ZU gut" *grins*! Also...jetz iss ich no mini letschti importierti Mozartkuugele und tröim vom näggschte Wien-Trip...

nur no wenigi stunde...

2009-05-01T15:05:00.002+02:00

so, hütt zoobe gohts los. mi koffer isch packt (dr martin muess das no mache, hihi...) und ich bi scho ganz kribbelig vor lutter vorfreud! wieder in mini traumstadt fahre...jupieeee!!! ei daag isch scho reserviert fürs schloss schönbrunn...*tröim*! und scho plane mer au wider dr näggscht trip...tja, eimoll wandervögel, immer wandervögel :)

lang ists her...

2009-04-27T20:19:00.002+02:00

langi zitt ischs här, ich weiss (und schäm mi ganz *grins*)! kumm halt nit so regelmässig zum schriibe :)! vorgeschter isch mi schatz vom trainingslager heimekoh, und ich bi notürlig total ussem hüüsli gsi :)! die riese-wohnig so ganz elleige (bzw. mit de zwei kleine piepmätz, aber mit dene losst sich irgendwie kei rächti konversation füehre...) isch nit schön. bi e härdetier...oder wie au immer me däm seit. aber easy, has ganz guet überstande und bi e grossi gsi :)! und hütt bini wie alli andere au ind wuche gstarted...zum glück e verkürzti. und scho wider kani mi uff öbbis freue: am fritig gohts ab in die geilschti stadt uff ärde: nach WIEN!!! ich freu mi gewaltig! s geburtsdaagsgschänk vom martin. wird sensationell! so, jetz dueni no biz in tröim schwelge...scheene oobe no!

Belchenfluh...

2009-04-11T19:50:00.004+02:00

Bädele...

2009-03-11T19:28:00.002+01:00

Geschter semmer em noie Sole Uno gsi. Wowwwww!!! Es esch ächt de Hammer! Näbscht allem alte Züg, Ossebad, Ennebad, Dampfbäder etc. hets noi no vell me Wellness. Einersits hets es nois "Füürbad" wo ca. 40 grad heiss esch. Ond notürli es "Iisbad" met ca. 14 Grad - brrrr! Ond dezue gets en "Gletschergrotte" womer per Knopfdrock en chalte Wasserfall cha aktiviere. Es witers Highlight esch de "tropisch Räge" e verschedene Forme. Näbscht witere Dampfbäder (Vanille, Orange, Minze) hets es nois mega-Highlight: Es Bad met erhöhtem Salzghalt. Das esch ähnlech wie s'tote Meer, mer goht ned onder. So chammer total gmüetlech of de Rogge legge ond eifach dehischwäbe. Onderwasser-Musig ond farbigi Liechter onderstötzid die totali Entspannig.

De Itrett esch nor grengfüegig türer, deför werd eim einiges meh botte. Of jede Fall en Empfählig!!

1 Daag nach de Ferie...

2009-03-09T23:00:00.002+01:00

So, hütt hett dr "Ärnscht vom Lääbe" wider aagfange...d Ferie sinn umme, und ich ha mi erschte Aarbetsdaag nach de Ferie guet verläbt. Ohni s Schaffe drzwüsche würde d Ferie jo numme halb soviel Spass mache :) Nadürlig hani hütt scho wider mini näggschte Ferie iigeh, wie immer nach de Ferie...*grins*...in däm kurze Text kunnt wohl das Wort "Ferie" zig Moll vor! Isch e wichtigs Wort in mim Vokabular...wie in Dinem sicher au *zwinker*! Vorhär hämmer grad no sone zimmlig abdräihte Film gluegt: "My Date with Drew", e Doku über e Typ, wo innert 30 Dääg hett welle e Date mit dr Drew Barrymore klarmache....rächt witzig gsi! Bis zum näggschte Moll! cu!

Tütütütütüüüüü...

2009-03-04T22:21:00.003+01:00

Geschter, am Fasnachts Zischtig het d'Fabienne ändli ehres Könne chöne bewise. Si esch noch langer Vorfreud met de Claraschnooge doregstartet. De ganzi Tag esch si met dere Guggemusig onderwägs gsi ede Basler Gasse. Ond am Obe het mer si sogar no chönne of de Bühni gseh.

Witeri Fötteli fendid ehr onder dem link. Leider send si ned alli so guet worde wie erwartet, v.a. die of de Bühni löhnd z'wönsche öbrig...

Übung macht den Meister...

2009-01-25T17:05:00.002+01:00

... oder die Meisterin ;-) D'Fabienne üebt nämmli flissig för ehre Uftrett am Fasnachts-Zischtig. Noch ere zwoijöhrige Fasnachts-Pause spelt si jetz weder aktiv inere Gugge (Claraschnooge). Ich hammers notüli ned lo neh, ehres "Training" fest'z'halte. :-)

E lange Sunntig

2009-01-18T18:29:00.004+01:00

Uiuiuih, ich ha scho fascht e schlächts Gwüsse. Ha scho eeeewigs nütt me gschriibe! Bi in letschter Zitt eifach zu nütt meh koh...! Jetz hämmer scho e neus Johr, ich ha 2 Wuche schaffe hinter mir (und 6 witteri Wuche vor mir bis zu den näggschte Ferie) und bi inzwüsche au e Jöhrli älter worde (seit ämmel mini ID *grins*)! Hütt isch sone richtig schön lange Sunntig gsi. D Stunde göhn nit so rasch umme wie sunscht, und me kah ganz viel erledige, wo me sunscht nie drzue kunnt! Richtig gmietlig! Ich ha zum Bispiil hütt ändlich mini Gugge-Note ussdruckt und gebruuchsfertig gmacht :)! Und spöter gömer no ins Kino, dr neu Film mitem Will Smith go luege. Lutt Online-Platzreservierig simmer bishär die einzige im Kino *lach*!

So, ich nimm mer fescht vor, wider meh zschriibe...bis glii!

Fötteli vo Basel

2008-12-23T23:19:00.003+01:00

Gester semmer en Basel nochli go lädele ond die letschte Wiehnachtsgschänkli poschte. Am spötere Nomitag het d'Fabienne met ehrem Mami zom Kafi abgmacht ond ich han die Glägeheit gnötzt zom chli go föttele. S'Ergäbnis fended ehr onder dem Link.

Höt esch doch glatt no s'Chreschtchendli verbi cho. Ede nöchschte Täg werdid ehr ergendwenn mol chönne Fötteli beguetachte. Oder chömid doch eifach verbi ofeKafi! (bitte voräne chorz alüte öb mer öberhaupt ome send)

2008-12-21T19:38:00.005+01:00

Puh, kummi ändlich wider moll drzue, öbbis zschriibe, kurz bevor mer ins Kino göhn ("Anywhere but home" go luege...eifach e seichti Unterhaltig bruche mer hütt *g*)
Es isch hütt Wällesittich-Flugdaag und Gutzi backe aagseit gsi. Eifach e gmietlige Sunntig! E sone Daag, wo's dusse kuum häll wird, und me am liebschte biz däheim ummehöggled. Au zwei "Stürmifüdle" wie mir bruche das ab und zue :)

Und mini Vorfreud uffd Wiehnacht wird immer gösser...*sehrfeschtfreu*

Do no e Fötteli, wo unsere Daag bizeli kommentiert:

Zwoi Flüge met einer Klappe...

2008-11-30T20:50:00.002+01:00

Sodeli, jetz schrib au ich weder mol öppis e de blog (ändli :-)). Höt esch en coole Sonntig gsi, mer send nämmli de Freiburger Wiehnachtsmärt go bsueche (ca. 50 km nördlech vo Basel). Es esch zwar zemmli chalt gsi, aber mer händ deför veli schöni Sache gseh wo eus chli meh of Wiehnachte istemmid.

Ond - mer chas am Titel erahne - ofem Heiwäg semmer no be Wheil am Rhein verbi, ane zwoite (sehr chline, höhöhö) Wiehnachtsmärt. Esch aber au schön gsi ond het zemmli Lüt gha.

Wiehnachtsmärt send jo eher Frauezüg, aber ich fends ame trotzdem no schön si z'bsueche. Wöllmer det eifach chli of Wiehnachte igstemmt werd (ond ab ond zue au grad no es Gschänkli fendet). Ohni Istemmig esch Wiehnachte för mech eifach wie Sport ohni ufwärme ;-)

Vorfreud uffd Adväntszitt

2008-11-23T18:04:00.004+01:00

Wieni das scho vermueted ha...am Aafang schribt me ganz flissig, und denn wirds immer weniger! Hmm...so isch es halt...! :)
Jetz hett bi uns so ganz langsam d Adväntszitt aagfange. Geschter hani die erschte Wiehnachtskuugele kauft und dr erscht Grättimaa gässe. No biz frieh, aber ha's halt nümm ussghalte...mag die Zitt viel zfescht, wie allgemein bekannt isch! Drfür bini denn nit 4 Dääg vor dr Wiehnacht in eme Riise-Stress, willi no kei Ahnig ha, was ich wäm sött schänke. Uff die Art kani die Zitt so richtig gniesse und Vorfreud uffkoh loh.

Ah, und dr erschti Schnee isch z Rhyfälde gfalle. Seht no rächt schön uss, au wenn inzwüsche schpo fascht alles wider gschmolze isch.

In Vorfreud uff d Adväntszitt...

wieso ich dr zischtig nit so mag...

2008-11-11T20:40:00.003+01:00

irgendwie liggt mir dä daag eifach nit: s letschte wuchenänd isch scho eewgis här, s näggschte kunnt au erscht in ere halbe ewigkeit...*fruscht*! am mittwuch weiss me wenigschtens, ass d mitti vo dr wuche erreicht isch :) moll abgseh drvo, ass mer dr mittwuch eh gfallt, willi weiss, dassi am näggschte daag usspfuuse dörf *bigsmile*! aber irgendwie losst sich dä zischtig nit ussem kaländer striiche...also muess me en eifach akzeptiere *hehehe*! usserdäm bini am zischtig gar nit kreativ...vor allem hütt nit...drum lossi s jetz bliibe...zu eurem schutz ;)

trotzdäm e liebe gruess!!!

witterbildig

2008-11-08T19:37:00.002+01:00

jetzt ha au ich ändlich wuchenänd...d witterbildig hani überläbt :) isch sehr spannend gsi, aber au rächt viel infos in kurzer zitt. dr kopf raucht - und das an eme samschtig :-S thema vo dere veraastaltig: rächtschriibig-neui lehrmethode. hoff, jetz sigi wider e bissli gschiider *zwinker*

so jetz ab go raclette ässe...E GUETEEEE :)))

Zeit

2008-11-04T20:11:00.003+01:00

wer so fleissig seinen blog führt, der muss ja einfach zuviel zeit haben...denkt man sich! na, wer mich kennt, weiss, dass das nicht ganz der wahrheit entspricht. ist einfach eine gute möglichkeit, dass die leute, die nicht so viel von mir hören, in etwa wissen, was bei mir so läuft (nicht, dass es immer soooo sonderlich spannend wäre...*grins*) ich weiss sowieso nicht, wie lange das dauern wird...habe auch in meiner kindheit und früher jugend des öfteren versucht, tagebuch zu führen. ist höchstens einen halben monat gut gegangen :) aber das hat natürlich auch niemand gelesen (zumindest nicht wissentlich, hehehe...)

kurz noch die aktuellste (überaus SPANNENDEn) news: ich bin morgen nachmittag und am samstag an einer weiterbildung. die freude hält sich in grenzen, aber es wird sicher interessant. was man nicht alles macht, um immer über das aktuellste wissen zu verfügen...grins!

*dämfall scheene oobe....*

heute

2008-11-03T19:41:00.006+01:00

zum heutigen tag nur folgender kommentar: gäääähhhnnnn... (mit ausnahme eines gemütlichen "petis-bummels" und einem guten nachtessen...*mjamm*)

Blue

2008-11-02T21:51:00.002+01:00

jetzt sind wir doch tatsächlich blauer als blau...neeee, nicht was du meinst....kein tropfen alkohol ist geflossen, aber einige lach-tränen! why? wir kommen soeben von der sensationell-mega-fantastischen show der Blue Man Group zurück! *echtbegeistertsind* musst du dir unbedingt reinziehen!!! link dazu: http://www.blueman.com

ab jetzt sind all unsere träume blau....*lach*

Sonntag...

2008-11-02T14:12:00.004+01:00

Wieder ein Sonntag, und nach getaner Arbeit (putzen war angesagt...*naja*) sitzen wir auf dem Sofa und ziehen uns irgend eine nicht-anspruchsvolle Sendung über irgendwelche nicht gerade vor Intelligenz strotzende Leute, die vollkommen geldlos auswandern und sich dann darüber wundern, dass das Auswandern nicht klappt :)! Daneben sitzen unsere zwei kleinen "Monster" und möchten einfach nicht aus ihrem Käfig raus...obwohl es doch so schön wäre, frei im Zimmer rumzufliegen. Haben halt eine "Schlaf-Phase" :) (verständlich an einem Sonntag...*grins*)
Wer unsere zwei neuen Mitbewohner noch nicht kennt, hier ein Foto (geschossen vom Profi-Fotografen Mister Burri jun....*kicher*):

2008-10-31T19:54:00.001+01:00

Willkommen auf unserer Blog-Seite. Hier stellen wir uns vor und erzählen Euch etwas über unser Leben und Erlebtes. Viel Spass!

Fabienne & Martin